Bu yerlər, o yerlər
Budur, uşaqlığım keçən o yerlər,Çadırdaş ətəyi, Nursu bulağı.Burda böyümüşəm, burda, deyirlər,İnana bilmirəm, bilmirəm axı.
Bu dağlar, dərələr dəyişib yaman,Dərələr daralıb, dağlar alçalıb.O zaman nərəsi qulaq batıranÇayın da bir qulaq nəğməsi qalıb.
Sanki ütülənib təpələr, diklər,Bulaqlar doğulub, bulaqlar itib.Talada oynaşan sarı əliklərNə belə az idi, nə belə yetim.
Hanı sizi yoran, ey ağ yoxuşlar,Axşam məktəblisi, gündüz çobanı?Oxumu dinləyən o ana quşlar,Tapşırıq dəftərim sal daşlar hanı?!
Mənim şimşəklərim hara şığıdı?Mənim dolularım haraya yağdı?Mənim yağışlarım daha şıdırğı,Qarım daha təmiz, daha da ağdı.
O zaman ləpirim quşlar hürküdür,Torağay çıxmazdı qarşıma belə.Kəpənək qonmazdı çiynimə bu cür,Yemşan ələnməzdi başıma belə.
O zaman yarpaqlar biri bir palaz,İndiki yarpaqlar qulaq boydadı.O zaman uşaqlar böyükdü bir az,İndiki uşaqlar uşaq boydadı.
Çınqıllar az idi «qoşunumuzdan»,Oyuqlar qurardıq qaladan uca.Əyilə-əyilə keçirdi dumanBizim qorxumuzdan dərə boyunca.
Mənim cığırlarım qoltuğunda çən,Arzumun dalınca dağa çıxıbdır.Mənim arzularım dağ kəllərindənDiksinib bir daşda yoxa çıxıbdır.
Mənim öz gecəmin öz ayı varmış,Hardasa uyuyur, qocalıb indi.Mənim ulduzlarım yağı qurtarmışÇırağımız kimi sozalıb indi.
Burda dəfn olunub anamın qəbri,Qəbirlər batıqdır əvvəlki kimi.Nənəmin qəbriylə babamın qəbriYanaşı yatıbdır əvvəlki kimi.
Bu yerlər necə də o yerlər deyil,Bu yerlər necə də o yerlər imiş.Gedən günlər ilə ömürlər deyil,Təbiət gedərmiş, iqlim gedərmiş...
Kitabxana.az · https://kitabxana.az/works/memmed-araz-bu-yerler-o-yerler
← → düymələri ilə keçid, R — təsadüfi şeir
Müəllifin digər əsərləri
Oxu, tatar qızı, dodaqlarınıDarasan çayına söykəyib, oxu!
Vardı günlərimizVardı günlərimiz varlığa bənzər,Üfüqlü, səmalı, günəşli, qarlı,
Sən məni sevsəydin...Sən məni sevsəydin nolardı görən?Görən olardımı bir dərdim onda?
Axı demişdik ki...Yenə həmdəmimdir qələm-dəftərim,Bir küncdə közərən tənha ocağım.
Başqa şairlərin şeirləri
Yerdə əyyami-məhərrəm, şiələr qan ağladı,Ay tutuldu nalədən, göydə qəmər qan ağladı.
Gəraylı: Dəli könül nə məlulsanDəli könül, nə məlulsan,Məgər ol nazlı yar getdi,
Başına döndüyümSən gedəli üzüm-gözüm gülmüyorMəndə yoxdur hal, başına döndüyüm
Qəbri-sədxaqandırEy könül, dünyayi-fani bil-bədahə fandır,Müddəti-tuli-bəqası ləhzeyi-əcfandır,