Yuxu və külək
(El məsəlindən)
Mayil eyvanda kökə yeyirdi. Xallı pişik oturub ona baxırdı. Xallı qulağını şəklədi, gözünü bərəldib ha baxdı, Mayil kökədən pişiyə vermədi. Axırda Xallı dilləndi:
– Myau!
Mayil pişiyə baxmadı. Pişik Mayilin dizinə dırmaşdı, yenə myauldadı və əlini atıb kökəni almaq istədi.
Mayil onu dirsəyi ilə itələdi, yerə saldı.
Külək pişiyə lağ elədi:
– Sən bacarmadın. Dayan, mən kökəni Mayildən alaram!
Külək bunu deyib, qanad çaldı, var gücü ilə əsməyə başladı. Budaqlar tərpəndi, ağaclar səsləndi, xəzəllər töküldü, toz qopdu, hava soyudu.
Mayil tez yaxasını düymələdi, əlindəki kökəni bərk-bərk tutub dişinə çəkməkdə davam etdi.
Yuxu da küləyə güldü və dedi:
– Sən çox hay-küy salsan da, uşağa gücün çatmadı. Kökəni ala bilmədin. Dayan, mən səssizcə iş görəcəyəm. Mayildən kökəni elə alım ki, özünün də xəbəri olmasın.
Yuxu qara paltara bürünüb yumşaq-yumşaq yeridi və gəlib Mayilin gözlərinə doldu.
Mayilin kirpikləri ağırlaşdı, göz qapaqları endi, gözləri ehmal-ehmal yumuldu. Gözlər yumulan kimi, barmaqlar aralandı, əllər açıldı. Kökə uşağın əlindən düşüb, döşəməyə dığırlandı. Xallı pişik fürsət tapdı: - Myau! - deyə sevincək kökənin üstünə atıldı.
Kitabxana.az · https://kitabxana.az/works/mir-celal-yuxu-ve-kulek
← → düymələri ilə keçid, R — təsadüfi şeir
Müəllifin digər əsərləri
Talib Fətiroğlu öz işini bilən adamdır. İki-üç ildir işləyir. Rayonun, necə deyərlər, cikini də bilir, bikini də. Özü əmanət kassasında hesabdardır. Ancaq adamların təkcə pulları yox, ürəyi də onun yanında əmanətdir.Bir də görürsən bığlı bir kişi qapıdan girib barmağı ilə işarə verdi:
Biri var idi, ikisi yoxYoldaş!Bizim zəmanəmizdə bundan çox işlənən, çox məna kəsb edən, çox hörmət qazanan söz tapmaq çətindir.
Xoşbəxtlik barəsindəİstirahət evində, nədənsə, adamın dili açılır, çox danışmaq, hər işə qarışmaq istəyirsən. Pensiyaçılardan biri, qoca müəllim, nərdtaxta oynayanların içinə mübahisə saldı:– Ay camaat, yığışdırın bu şartaşartı, sözüm var sizə.
Hərənin öz işi varÇörəyi ver çörəkçiyə,*Bir çörək də artıq!*
Başqa şairlərin şeirləri
Fələk rəğminə bir nəzərGörsəm üzün cananımın,
Qəzəl: Dilər könlüm ki yar əğyar ilə yar olmasın, yarəbDilər könlüm ki yar əğyar ilə yar olmasın, yarəbCahan tavar olsun, yar əğyar olmasın, yarəb
عشرت خلوت و دیدار عزیزان شاهیستوین نداند، مگر آن دل که درو آگاهیست
OlmazGəlində zühura nuri-təcəlla,Camalın tək münəvvər olmaz