Aşıq Alı, məzarını itirdik,Zalım qonşu qəbirləri düzlədi.Nə bir ovuc ordan torpaq götürdük,Nə dərdimiz qələmlədi, sözlədi...

Aşıq Alı, məzarını itirdik,Ələsgərin sümüklərin gətirdik.Ver dedilər, “qardaş” deyib ötürdük,Yaman “qardaş” yaman fürsət gözlədi.

Hara yazaq köçkünlərin sayını,Necə keçək biz göz yaşı çayını?Cavanların yaslı etdik toyunu,Qonşu bizi astarladı, üzlədi.

Hara qaçaq yamanların əlindən,Bu ahların, amanların əlindən?Aşıq Alı, ayrı düşdün elindən,Məzarını xain əllər düzlədi,Ey insanlar! Şər xeyiri izlədi.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Ölüm