Ləhzədə ləl eylər insan həyatı,Lütfü kərəm olub gələsən gərək.Labətdən, lətfədən ləzzət götürüb,Sözünü dinləyib biləsən gərək.

Al geyən, şal geyən məxluqi-nisar,Layiqin, qüdrətin mərfətdən alar,Laqeyid, laqeyrət lənidə qalar,«Laməhla lahəni» biləsən gərək.

Aşıq Vəli, çünki düşdün bala sən,Bax zənbura, qulluq eylə bala sən,Bəzmi dolan, behcət eylə bala sən,Yekbəyek güldürüb güləsən gərək.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri