Namərdinən mərddən xəbər söyləyim,Namərd öz könlündə mənlik davalar.Mərd olan al geysə, yekəlik bilməz,Namərd şilə geysə, xanlıq davalar.

Ayıb olmaz mərdin heç nərəsində,Əslində, bətnində, nə zərrəsində.Namərd çavuş olsa kənd arasında,Gedər o, divandan donluq davalar.

Cumanın göftarı arifə busat,Mərdinən dolanmaq asanddı, asand.Namərdin əlinə keçsə bir fürsət,Qəpiyin yerinə onluq davalar.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri