Bir sevgi gəmisi sahilə çatdı
Bir sevgi gəmisi sahilə çatdı,Göydən bulud endi, yer kölgələndi....Hədiyyə vermişdim, geri qayıtdı,Başıma dünyanın odu ələndi.Nə üçün, qayıtdı görən hədiyyə?Zaman dözümlüdür, insan səbirsiz.Dedim kədərimi əl açıb göyə:Ərmağan ürəyi bəs neyləyək biz?Bir səhər sevginin mehi əsəndəÜrəyim çırpındı mələk köksündə.Demirəm ürəyi qaytarsın geri,Məndədir bir ömrün döyüntüləri.Bir dünya dərdi də,Daşıyıram mən,Söyüd deyiləm ki, əsəm, əyiləm.İndi ürəksiz də yaşayaram mən,Bir daha heç kəsi sevən deyiləm.Tale qəzəb iləDillənəcəkdir,Küləklə nə gəlsə, gedər küləklə.Ürək ürəksizə daha gərəkdir,Bəlkə xoşbəxt ola bəxşiş ürəkləDönər karvan-karvanAndlar, vədələr,Dönər dağ da bilməz, qaya da bilməz,Yetim xatirələrQayıdıb gələr,Tapdanmış məhəbbət qayıda bilməz.
18-29 oktyabr 1994
Kitabxana.az · https://kitabxana.az/works/nebi-xezri-bir-sevgi-gemisi-sahile-catdi
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Bir qəm sarayı möhnət imiş taxtkahi-Cəm.Həp əski uyqusunda durur kişvəri-Əcəm.
YoxdurEy canım cəlladı, ömrüm yağısı,Məgər səndə zalım din iman yoxdur,
DünyadaVarlıya dost olub,kasıba gülmə,Çox da havalanıb,coşma dünyada.
Mürəbbə: Quberniya bina olandan bəriQuberniya bina olandan bəriOğrunun hər biri bir xanə dönüb