Zülmət üfüqlərdə solğun bir işıq,Təbiət göylərə ulduzlar düzür.Dünən Ay bütövdü,Bu gün yarımçıq.Sanki qızıl yelkən çəpəki üzür.

Ulduzlar parlayıb düşür qayığaİstəyir yelkənlə sahilə çıxa.Yelkən qucaqlaşır karvan yoluylaYol alıb gedir.Sanki qol-boyundur çıraqban Ayla,Göylərə qızıldan iz salıb gedir.Elə bil İlahi bir əfsanədir.

Səhər… Günəş doğdu, rənglər itdilərGöylər mavi-mavi, sönüb ulduzlar.Ulduzlar yelkənlə hara getdilər?İlahi, aç mənə bunda nə sirr var?Bir qızıl qayığa möcüzə kimi,Min-milyon ulduzlar sığa bilərmi?

8 sentyabr 2003

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri