— Mən behişt ətirli Lənkərandanam.— De ki, qiyam etmiş bir məkandanam!

— Mən Qarabağlıyam, eşitsin cahan!— Qarabağ varmı ki, qürurlanasan?

— Mənə də deyərlər igid Gəncəli,— Ordan başlamırmı yurdun cəncəli!

— Mənə mehribandır Tovuz, Qazax da,— Onlar uzaqdadır, qalsın uzaqda!

— Borçalı elindən gəlmişəm mən ki,...— Xaricdə doğulan əcnəbisən ki?!

— Qəbələm paytaxdır qədim yurduma!— Mirzə Səfər demiş: — gəl, min boynuma!

— Şəki torpağında doğulmuşam mən,— De, Hacı dayıya dost olmuşam mən!

— Mən ki, dağ vüqarlı Kəlbəcərdənəm,— Söylə ki, satılmış qızıl yerdənəm!

— Məndə Cəfər gücü, Müşfiq sözü var!— Bil iki gül ilə olmayır bahar!

Bir bölgə vardır ki, onu tapın siz,Orda doğuldunuz — bəxtəvərsiniz!

Sizindir ən uca vəzifələr də,Adınız zər-ziba səhifələrdə.

— Demək istədim ki, Bakılıyam mən,Demədim, bir ağrı qopdu sinəmdən.

Dünən səadətdi Bakılı olmaq,Bu gün qəbahətdir Bakılı olmaq.

Ölkəmin hər yeri mənə əzizdir,Çünki Vətən bizim taleyimizdir.

Mart 2000

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən