Göy şamlardan yonduğumBir sehirli gəmim var,Bir balaca gəmidəBir dünyalıq qəmim var!Sevdiyim gözəllərimGəmidə mənimlədir.Külək döyür hiddətləyelkənləri inlədir.Günəş üzlü gözəllərSoluxub mənim kimi,Axı illərdir gələnDəhşətli qənim kimi.Onlar birgə, təkəm mən,İllərin əzabınıVer təbiət, çəkim mən!Soyuq baxma, gözələ,Qəbahətdir, təbiət!Qəsd eləmə, gözələ,cinayətdir, təbiət!Kim cəza çəkməlidirBəşər məcəlləsilə,Göyün şimşəklərilə,yerin zəlzələsilə?Gözlərdən nuru alıb,Üzlərə qırış salıb,Qar səpmək pak saçlara,Bu oğru tək qəsd deyilQızıl-gümüş taclara?Dor əyilir,Tufanıyararaq gəmi gedir,Elə bil kainatınSirli aləmi gedir!

Mən bilmirəm, bilmirəm,hayana gedir belə,Ömrün xəyal gəmisi,xəyal gözəllərilə?Ağrılar ağrılardanAğırsa da, dözürəm,Nuhun gəmisi kimiAğrı dağı gəzirəm!

21 mart 2000

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri