Ata sərvəti
Yoxlayın siz mənim şeirlərimi,nəyim var yaxşını, yamanı seçin.Göstərin siz mənə mənim yerimi,qorxmayın, üstümdən adlayıb keçin.
Mən nədən qorxmuşam, deyin, siz nədən,Nəyi deməmişəm, çıxıb yadımdan.Mənə yad gözüylə baxmağı bəzənöyrənin ən doğma saydıqlarımdan.
Mənə qulaq asın hər şeydən qabaq,bir səs qulağıma görün, nə deyir:Bəlkə də qüsuru bağışlamamaq,bağışlamaq qədər hünər istəyir?
Ən böyük əsərdir dünyada hünər,o da övlad kimi doğulsun gərək.Bir hərbi qayda var –son ana qədərhissənin bayrağı qorunsun gərək.
Sən ey mənim xalqım, ən qədim bayraq!qismətimə düşən ata sərvətim –Sənin hüzurunda keşikdə durmaq –dünyada ən böyük vəzifəm mənim.
Kitabxana.az · https://kitabxana.az/works/neriman-hesenzade-ata-serveti
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Nə vəhşi könlüm ol ahunigəhdən qeyrə ram olmaz,Nə anın hicrinin nöqsan olan ayı tamam olmaz.
Deyişmə: Başına döndüyüm, qurban olduğum— İsmayıl:Başına döndüyüm, qurban olduğum
ال یار عزیز ابله که: جان با دینه دورمسجد دسار و باردم که بوکن آینه در
AğlaramKeçən günü ay gül yüzlü dilbərim,Yadə salıb vallah yarım ağlaram,