O qədər dedim ki...
Deyirdin dözərəm yarsız,Döz bağrı daş olan könlüm.Tufarqanlı Abbas
Yeddi payız keçdi... yeddicə saatevdə olmasaydın ev dağılardı.– Gec gəlsən ayrıllam, – deyərdim o vaxt,o qədər dedim ki, ayrıldıq art[?]
Gözlə görünməyən yara var, yara,ağrısı olmayan bunu nə bilər!“Mübarək” dediyim ipək paltaraonda ayıldım ki, “soxa” dedilər.
Ürək nalə çəkir bir şeyə görə,bilmirəm heç necə gətirim dilə;Sən sürmə çəkdiyin qara gözlərəmən torpaq ələdim öz əllərimlə.
De, necə yatırsan məzar içində,sən ki, qısqanırdın bir ara məni.Bu qədər qadınlar, qızlar içindənecə qoyub getdin, ay Sara, məni?!
Qoy insan qəminə insan gülməsin,qəlbini yoxlasın qoy bu hiss üçün.Yerdə qar olmazdı yeri heç kəsin,bir yastıq bəs idi ikimiz üçün.
Ayağın altında hey mürgülərdim,bir çimir alardım, o da birtəhər.Mən evi, eşiyi nəzir verərdim,Allaha and olsun, qalsaydın əgər.
Gəlninə aldığın cehizlik durur,toy niyə bilmirəm düşüb düyünə.Əl vurma demişdin,hamı əl vurur, –əl dəymək istəyir göz gördüyünə.
Mən indi gördüm ki, yoxdur əvəzin,seyrəldi yarama məlhəm qoyanlar.Həkimlər eşidib qoy inciməsin, –yaşadan mən oldum, öldürən onlar.
noyabr 1993
Kitabxana.az · https://kitabxana.az/works/neriman-hesenzade-o-qeder-dedim-ki
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Getməz qonaq budur ki aliyi-mədardənTa yetməsə xəbər ona fəsli-bahardən
KəramətƏya ey mərdümi-aləm, baxın bu bir rəvayətdir,Bu əsrin xalqına ancaq münasib bir hekayətdir
Təcnis: Badi-səhər bir gözələ tuş oldumBadi-səhər bir gözələ tuş oldumOndan mənə dəydi aya sərandı
HarasındadırTərlan quşum itirmişəm, araram,Görüm bu dağların harasındadır