Əziz elçi, könül yarı necədir?Mən bimarın o nigarı necədir?

Gözəlliyi, məlahəti qalırmı?Nə eləyir, işi, karı necədir?

Söylə, əmlik ahumuzun nərgizi,Sünbülləri, çəmənzarı necədir?

Bulağından su içmişdir şəkərin,Guşəsində laləzarı necədir?

Dost tutanı o yad saydı, könlümünDüşmən olan dostu, yarı necədir?

Gecə-gündüz mən atəşdə yanıram,Şux mələyin abidarı necədir?

Qan içməkdə yox nöqsanı zərrəcə,Peşimanmı, söylə barı, necədir?

Bircə dəfə uf demədi ömründə,Aşüftəhal yar qərarı necədir?

Məqtə — şairin təxəllüsü olan son beyt. Yar qəmindən Yəqub oldu Nizami,Əsrin Yusif şəhriyarı necədir?

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq