O müşk tellərin sənin məzhəbi-dilbəri tutub,O zülmkar qəmzələrin rəsmi-sitəmkəri tutub.

Gül üzünü görən bəşər bağladı bel qul olmağaCanını azad eyləmiş, rütbeyi-çakəri tutub.

Bədnəzərin xətasına düşməyəsən deyə, səhərBir dua eylədim sənə, əldə o dəftəri tutub.

Layiqin olmasam da mən, yaş-quruma döz, ey gülüm!Göz yaşım axdı sel kimi, bax ki, o hər yeri tutub.

Səninlə ilk dovda canı ucuz tutub, uduzmuşam,Eyləmə eşqə hiylə sən, rütbeyi-davəri tutub.

Məqtə — şairin təxəllüsü olan son beyt. Məsiha möcüzü kimi möcüzə göstərir ləbin,Səni Nizami Gəncəvi eşqdə rəhbəri tutub.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq