Dostum, incə barmaqlarınSədəflərin üzündədir.Mənim meylim bir sazında,Bir də şirin sözündədir.

Qarayazı meşəsində,Cavan ovçu həvəsində,Qulağım maral səsində,Gözün ceyran izindədir.

Tarixi var hər daşın da,Tərlanın on beş yaşında,Bəzən qarlı dağ başında,Bəzən Muğan düzündədir.

Baxan kimi sərraf gözün,Təmtəraqlı yalan sözünCanı yoxdur, dedin özün,Məna sözün düzündədir.

Zaya getməz alın tərin,Bir gün bitər şah əsərin,Arzuların, diləklərinHələ sənin gözündədir.

Söz şairin ürəyində,Zor binanın dirəyində,Güc pələngin biləyində,Pəhləvanın dizindədir.

Heç əlinə alma əsa,Yetmişində batma yasa,Hər kim yüz il yaşamasaGünah onun özündədir.Bakı, Qazax, 1955

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri