Heç nə
Sıldırımdan uçsun şəlalə gərək,Bəzəkli daşlardan süzüldü - heç nə.Azad çəmənlərdə bitsin gül-çiçək,Dibçəkdə eyvana düzüldü - heç nə.
Dərin dəryalarda sultandı balıq,Büllur qutuların içində heç nə.Küləkdə yelkəndi əl boyda yaylıq,Yelkən sakit qalan rüzgarda - heç nə.
Pələngin qüruru, filin siqlətiSirkdə qamçılarla qırıldı - heç nə.Tə’limçi əlində bir tikə ətiGüdməkdən gözləri yoruldu - heç nə.
Gün-günorta çağı düşüb axşamaYolun qaranlığa büründü - heç nə.Bu əlvan üfüqlər, bu sonsuz səmaQəfəs millərindən göründü - heç nə.
İslah düşərgəsi adlanan məkanDünyanın özüycən olsa da - heç nə.Əl-qolu hökmlə bağlanmış adamÖlməsə də heç nə, ölsə də heç nə.
qəlbin səksəkədə, gözün saatdauzansın görüşün bir ay da- heç nə.gülüb danışmaq da, lap zarafat dabir himə bənd isə nə fayda - heç nə.
“Tələsmə”, vaxtın var, nə olub məgər...Bu sözlər minnətlə səsləndi - heç nə.Zorla təbəssümə bürünmüş üzlərİlıq göz yaşıyla islandı - heç nə.
Ürək ağrımamış fikir ver ona,Çırpındı, başına dolandın - heç nə.Sən ki azadlığın nə olduğunaZindanlar küncündə inandın - heç nə.
Kitabxana.az · https://kitabxana.az/works/qabil-hec-ne
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Müşkül işə düşəndə çağırram səni,Yetiş fəryadıma ya İsa mənəm
DeyirKim gələrsə bu cahana lütfi-yəzdanam deyir,Pəhləvanam yer yüzündə əhli-colanam deyir
Gətirdi nəşeyi-mey, saqiya, nə şurə məniGətirdi nəşeyi-mey, saqiya, nə şurə məni,Ki, şövqi-arizi-canan çəkib hüzurə məni.
Çay dəstgahıÇün nəsimi-səhəri-sübh, dili-heyrani,Et nəzər, gör necə təhrik qılıb dəryani,