Daş məktublar
Boyalı heykəllər, yazılı daşlarXəyalı oynadıb çəkir uzağa,Hər əsrin neçə min hekayəti var,Tərpətsən nəsillər qalxar ayağa...
Sümüyü toz olan mərd insanlarınƏməli indi də şölələr saçır.Sanki səsi gəlir qırıq qeytarın,Bağdad muzeyində hər şey dil açır.
Əl boyda daşlara dikilir gözüm –Tarixdən əvvəlin yadigarıdır.Üstündə min nəqşə, söz düzüm-düzüm...Deyirlər məhəbbət məktublarıdır.
...Bir qul sahibkarın sevib qızınıQəlbin sualına cavab almamış.O şöhrət dəlisi, daş-qaş azğınıDönüb qara qula nəzər salmamış.
Kaş, eşqi qəlbindən ata biləydi,Yeteydi tənələr, təhnizlər sona.Əcdadı köləydi, özü köləydi,Sultanlıq vermişdi məhəbbət ona!
Əlacı nə imiş o binəvanın,Yolunu çöllərə, dağlara salmış.Səsinə səs vermiş qayalar onun,Ah çəkmiş – nəqşəsi daşlarda qalmış.
Təbiət qoynunu açmış sərasərXilas etmək üçün aşiqi dardan.Tökülmüş önünə daşdan naməlerQopub qəlpə-qəlpə sal qayalardan.
Vermiş Fərat çayı gücünü ona,Bağdad bülbülləri titrək səsini,Hədiyyə aparsın deyə yarınaLounduz dağları bənövşəsini.
Sehrlə yazılan o daş baratı,Şehli çiçəkləri yetirmiş qıza.Ad-sansız aşiqin ürək sovqatıGülünc görünmüşdür o insafsıza:
“Nəyinə lazımmış o güc, o qüdrət –Zəncirdə on fili, pələngi vardır.Nəyinə lazımmış çiçəkdən dəmətDaş-qaşa tutulan çələngi vardır.
Nəyinə lazımmış qaya qəlpəsi –Evdə qızıl-gümüş tabaq-tabaqdır.Nəyinə lazımmış bülbülün səsiŞirin yuxudanmı ayıldacaqdır?!”
O daşqəlbli gözəl, tər bənövşəniƏzib ayağıyla torpağa qatmış.Götürüb əlinə o daş naməniOxuyan bülbülə tuşlayıb atmış.
Deyirlər dəyibmiş hədəfə birbaş,Eşqin ilk məktubu paralanıbdır.Bülbülün qanına bulanıb o daş,Oğlanın qəlbi də yaralanıbdır.
Dumana bürünüb Lounduz dağı,Aşiqləri belə görməyim deyə.Bir nalə yandırıb daşı, torpağıUcalmış göyə:“Əzizim qanad ağlar,Qəlb titrər, qanad ağlar,Bülbül yaralı uçdu,Boyandı qana dağlar”.Min illər ötmüşdür... indi muzeydəHəmin daş məktublar tər-təzə qalır.Gənclərin dilində, qeytarda, neydəNakam məhəbbətin səsi ucalır...
Kitabxana.az · https://kitabxana.az/works/qasim-qasimzade-das-mektublar
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Təbiət və bahar
Nazlım, hüsnün gülşənindəAçılmış güllərin sənin,
Zərreyi-mehrində daim, ey cəmali-afitabZərreyi-mehrində daim, ey cəmali-afitab,Əbr yüzündən götürgil dutmagil məndən hicab.
ای رموز لوح رویت عنده امالکتابکرده طی پیش جمالت نامه حسن آفتاب
BahariyyəBir belə mövsümdə bahar çağdaHeyf deyil baş qala təpraqda