Qonşuda bir qız var çalıb-çağıran,O, təzə bir mahnı oxuyan zamanAlardı başına səsi dünyanı,Heyran eləyərdi onu duyanı.

Bu yanıqlı mahnı, bu coşğun səda...Radionu bağlardıq o, oxuyanda.Yatardıq, durardıq onun səsilə,Biz də şənlənərdik qəhqəhəsilə.

Bu mahnı, bu gülüş kəsildi bir gün,Hamı düşündü ki, görən nə üçün,Nə üçün o susdu?Şaqraq səsinəAdət eləmişdi bütün qonşular.Biri gülə-gülə söylədi mənə:“O qızı bu gecə nişanlamışlar”.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri