Yatmışdım, üstümə gəldi ərənlər,Oğlan, nə yatmısan, oyan dedilər.Düldülün sahibi, Qəmbər ağası,Budur, ona Şahi-Mərdan dedilər.

Oyandım qəflətdən, açdım gözümü,Ərənlər payinə sürtdüm üzümü,Dindirdilər, haq söylədim sözümü,Hər kəlməmə doxsan bəyan dedilər.

Qurbani, batıbsan qəm dəryasına,Ovçunun məskəni dağ arxasına,Bir sığal verdilər gönül pasına,Aşiqi məşuqa qurban dedilər.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq