Dünya nə gündəydi, nə günə qaldı
Dünya nə gündəydi, nə günə qaldı,Ümid nə Allaha, nə dinə qaldı,Kim axı dünyanı bu günə saldı,Kim saldı dünyanı qoz qabığına?!
Gün gələr, dünyanın buzu çatlayar,Dünyaya baxanın gözü çatlayar...Nəğməsi deşilər, sözü çatlayar,Şairlər sığışmaz söz qabığına.
Ömrün axırına az qalır daha,Bir-bir tanıyıram dostları daha.Açılır hamının astarı daha,Çıxır yavaş-yavaş üz qabığına.
…Güclüyəm, yazığam öz içimdə mən,Hamıdan uzağam öz içimdə mən,Qəbrimi qazaram öz içimdə mən,Adımı yazaram öz qabığına…
Başıma döyən yağışın,Yağan qarın içində, -Mən də bir ev istəyirəmDörd divarın içində.
Tanrı göydən dərdi məni,Yerə göndərdi məni.Qarışdım, gözündən itdimAdamların içində.
Çətindi susuz dəryadaYelkənsiz qayıq olmaq,Bayquş kimi ayıq olmaqYatanların içində.
Günaha batıb boğulur,İlahi, min-min adam.Əlini ver, mən də varamBatanların içində...
Kitabxana.az · https://kitabxana.az/works/ramiz-rovsen-dunya-ne-gundeydi-ne-gune-qaldi
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Məşədi Sijimquluya cavab**Sijimqulu, eyləmisən məsləhət,
Gəraylı: Ağalar, biwəfa yardanAğalar, biwəfa yardanMən dönərəm, könül dönməz
Yeriməz salik olan rahi-rizadən qeyriYeriməz salik olan rahi-rizadən qeyri,İstəməz arif olan cövrü cəfadən qeyri.
BilməzəmSəbrim tükəndi, möhnətə qatlana bilməzəmSu başdan aşdı, eşq oduna yanə bilməzəm.