Varlıqda hər şeyin öz ahəngi var,Nəğmə ahəngi var, söz ahəngi var.

Rəssamın ahəngi rəngidir onun,Fırçası əlində cəngidir onun.

Ahəngi daşdandır heykəltəraşın,Ahəngli çizgidir rəngi nəqqaşın.

Şairin ahəngi rübabındadır,İncə duyğularla xitabındadır.

Yamaclar, ormanlar ahəngə bağlı,İrmaqlar, ümmanlar ahəngə bağlı.

Dağların ahəngi bulaqlardadır,Bağların ahəngi budaqlardadır.

Quşların ahəngi güllərə bağlı,Daşların ahəngi sellərə bağlı.

Bütün canlıların ahəngi vardır,Həyəcanlıların ahəngi vardır.

Günəşin ahəngi nur çələnglidir,Ulduzlar ahəngli, Ay ahənglidir.

Yaşadan ahəngdir dadlı həyatı,Saxlayan ahəngdir bu kainatı,

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri