Bir daş
Bir daşa rastladım Qobustanımda,O daşa çevrilən gülüstanımda.
Möcüzə yapmışdı zaman fırçası,Yoxluğa varmışdı qaya parçası.
Sandım Müşfiqimin başdaşıdır o,Könlümün daşlanan gözyaşıdır o.
O daş bənzəmirdi adi daşlara,Sanki söyləyirdi ulusdaşlara:
“İçimdə bir sir var, gərək deyəm mən,Qalmışam bu yerdə, qoyun qalım da!
Çökmüş bir qalanın son bürcüyəm mən,Yenə də durmuşam əski halımda!..”
Kitabxana.az · https://kitabxana.az/works/refiq-zeka-xendan-bir-das
← → düymələri ilə keçid, R — təsadüfi şeir