Getdin, günlərimə gün doğmur kimi,Axır gözyaşlarım bir yağmur kimi.

Baharım da getdi, gülüm də getdi,Gözümdən həyat da, ölüm də getdi.

Qalmadı ömrüm də, heçnə qalmadı,Kimsə mənim kimi dərdə dalmadı.

Özüm də bilmədim nə xəbər oldu,Gecəylə gündüzüm bərabər oldu.

Baharda gəlmişdin, baharda getdin,Getdin, gül də getdi, bahar da, getdin.

Getdi dadlı günlər, dadlı seyirlər,Baharda bərabər olur, deyirlər.

Gecəylə gündüz,Düz imiş bu, düz...

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar