Mənim tək
Səd şükr ki, yox indi bu saətdə mənim təkBir mö’mini-pakizə bizim kətdə mənim tək!
Sabiqdə ki, əyyami-tüfuliyyətim idi,Əhli-nəzəri valeh edən surətim idi,Ərbabi-həvəs məsti-meyi-vüslətim idi,Vəqtə görə bir parə əməl adətim idi,Bir tifl ola bilməzdi ləyaqətdə mənim tək,Hacı əmulərlə ola söhbətdə mənim tək!
Vəqta ki, cəvan oldum, iyirmi beşə çatdım,Əvvəlki işin vəqti ötüşdü, onu atdım,Əmma demə tənbəl kimi bir guşədə yatdım,Açma işin üstün ki, nə aldım və nə satdım…Ancaq görüyorsan ki, bu saətdə mənim təkYox bir kişi dövlətdə bizim kətdə mənim tək!
Hər şüğl üçün ərbabi ilə durdum, oturdum,Hər seydi şikar etmək üçün damımı qurdum,Hər vəqtə münasib olaraq fənnimi vurdum,Tapdım yeni bir hiylə, olardan geri durdum,İndi baxasan cümlə cəmaətdə mənim tək,Haşa, görəsən bir kişi taətdə mənim tək!
Gördüm bu cəhan əhlini mən çünki məcazi,Əvvəlcə olub məşhədi, vongah hicazi,Hacdan qayıdıb aldım ələ şüğli-nəmazi,Saldım araya məs’əleyi-tulü dirazi,Gördüm ki, dəxi yoxdu həqiqətdə mənim təkBir mö’mini-pakizə bizim kətdə mənim tək!
Qare, sözümü dərk elə, gər varsa şüurun,Fənnin var isə örtüləcək cümlə qüsurun,Gər sadə isən min də əgər olsa hüzurun,Zülmət görünüb dideyi-müfsidlərə nurunTəkfir edəcəkdir səni, əlbəttə, mənim təkMin mö’mini-növsaxtə hər kətdə mənim tək!
Hasil, nə səyaq isə, bu saətdə mənim təkYox bir kişi hörmətdə bizim kətdə mənim tək!..
Kitabxana.az · https://kitabxana.az/works/sabir-menim-tek-sed-sukr-ki-yox-indi-bu-saetde-menim-tek
← → düymələri ilə keçid, R — təsadüfi şeir
Müəllifin digər əsərləri
Dindirir əsr bizi, – dinməyiriz,Açılan toplara diksinməyiriz;
Əksimə ("Zahidin əksimə düşcək nəzəri-xudbini")Zahidin əksimə düşcək nəzəri-xudbini –Görür ayineyi-safımda o bir bidini;
Əhli-İranda, pah oğlan, yenə hümmət görünür!Əhli-İranda, pah oğlan, yenə hümmət görünür!Yenə hər guşədə bir tazə cəmaət görünür!
Dün cəhənnəm vəsfini zahiddən eylərdim sualDün cəhənnəm vəsfini zahiddən eylərdim sual,Cənnəti ağzın açıb etdi mənə vəsfi-sifat;
Başqa şairlərin şeirləri · Satira
Zəncirini hazırla, oğul, durma, dayanma,Yar başını, vur sinənə, insanlığı qanma.
Vilayətin məğşuşluğu haqqındaMirzə Fətəliyə*Xəbər alsan bu vilanın əhvalın, –
Musiqi nəğməsinin çöldə eşitcək səsiniMusiqi nəğməsinin çöldə eşitcək səsini,Moliamız evdə oturduqda qulağın tıxıyır.
İmperyalistlər Tanca üzərində boğuşurlarYurdumuzu müstəmləkə bəhrilə abad eyləriz,Meydan oxur aləmlərə, zor və hünər yad eyləriz,