Amerika müğənnisi Yelena Xeymura
Tellərində yetişmiş zəmilərin qızılı,Üzünə bu dünyanın xoşbəxtliyi yazılıb.Ulu nənələrinin avropalı qanından,Nəğməylə dalğalanan Ukrayna ümmanından
Üzün günəbaxantək günə, gündüzə açıq.Gözündəki od bəsdi lap zülmətdə yola çıx!Uzaq, doğma kəlmələr dilindən tək-tək qopur,“Min ilin tanışıyıq!” –Sözündən ürək qopur...Ya peçeneq, ya qıpçaq,ya da hun buludundanBəlkə iki damlatək ayrılmışıq bir zaman.Oxuduğun nəğmələr ürəyimdən boy atıb,Bəlkə onu nənəmiz gün dağları aşanda,Qonşu alaçıqlardan səsləşəndə yaradıbSaçların bayraq kimi yellənir küçə boyu,Üstündə nişanı yox, ulduzu yox... ayrı yox...Məhəbbət bayrağıdı qitələr arasındaSərhədsiz bir dünyada bu bayrağın tayı yox!..Ən qədim ayrılıqdan qədimdi bu məhəbbət,Əllərimə sığınar,keçib min illik yolu.Dünya bir tərəzidir – bir gözünə ürəyin,Birinə də siyasət oyunları qoyulur.Könlümdəki buz dağı əriyir səs-səmirsiz,Bircə damla göz yaşı yüz yalana xətt çəkər.Qəm eləmə, gözəl qız, sən günahkar deyilsən,İnsanları ayıran zaman xəcalət çəkər!Könlümüzdə göylərin əbədi bir atəşi, –Raketləri kül elər, sərhədləri odlayar!Xoşbəxtlərin xoşbəxti ikimizik bəlkə də.Sevgimiz yüz yasaqı bir nəfəsə adlayır!Qulağına nə qədər böhtanlar əkilsə dəGörürsən ki, açıqdı ürəyim gül üzünə.Çəkişmələr, hədələr bata bilməz, qəm yemə,Mahnılarla tikilənməhəbbət körpüsünə.
Kitabxana.az · https://kitabxana.az/works/sabir-rustemxanli-amerika-mugennisi-yelena-xeymura
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
İxtiyar səndir, vəfalı dilbər,Mən sənin könlünə dəyən deyiləm,
Tarixi-Cədidi QarabağMİRZƏ RƏHİM FƏNAMirzə Rəhim Fəna (1841-1929) Azərbaycanın tanınmış şairi və ictimai xadimlərindən biridir. Xan qızı adı ilə məşhur olan Xurşidbanu Natəvanın yanında xidmət etmişdir. 1864-cü ildə Mirzə Rəhim Fənanın təşəbbüsü ilə Şuşada "Məclisi-üns" ədəbi məclisi yaradılmışdır. Sonralar da o, məclisin rəhbərlərindən biri olmuşdur. "Məclisi-üns" haqqında dəyərli xatirələri ikicildlik "Azərbaycan ədəbiyyatı" əsərində əlavə şəklində çap edilmişdir. Şeirlərindən nümunələr inqilabdan əvvəlki dövri mətbuatda: "Təzkireyinəvvab", "Riyazül aşiqeyn" əsərlərində çap olunmuşdur. Tarixə və ədəbiyyata geniş marağı olan Mirzə Rəhim Fənanın "Tarixi-cədidi Qarabağ" əsərindən yalnız bəzi fraqmentlər mühafizə edilmişdir ki, oxuculara təqdim olunur. Əsərin ərəb əlifbasından transliteriyasını Arif Ramazanov etmişdir.
Molla Əsədulla Faiq təxəllüsünəCənabından yana intizardıq,İstərdik bilək keyfiyyəti-hal,
VarYenə gözüm düşdü bir mah cəmalə,Ağ üzündə qara müşki xalı var,