Ey bayram axşamı yalqız qalan kəs,Bir şam yandırarsan adıma mənim.Bizim bu həsrətin yanğısı sönməz,Tonqallar alışar oduma mənim...

Bayram xonçasında şamlar yan-yana,Onların içində mən də yanaram.Gündüz bir dost kimi yada salanaAxşam alov kimi xatırlanaram.

Bayram niyyətində sevgini sına –Gecə gələrəmsə yuxuna – sağam.Nəfəsim dəyməmiş yanaqlarınaŞamın şöləsitək toxunacağam.

Bu uzaq ellərdə sənədir üzüm,Qalsam da dörd divar arasında tək...Bayram süfrəsitək açıqdı köksüm,Bircə şam alışır üstündə – ürək!..

Moskva, 20.III.1979

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri