Var-dövlət bir yana, haqq bir yanadı,Bizdən üz döndərib, dönüb cah anda.Gör kimlər qınadı, kimlər yanadı,Şahinlər sar oldu fani cahanda.

Gədaya sultanlıq yarayarmıdı?Vəfasız o, dilbər, yar, a yarmıdı.Acı zəmanədə yarayarmıdı,Xilaf çıxdı əhdə, axır cahan da.

Məmmədhüseyn, sevdin gözəl anda sən,İlqar, iman kəsib, çəkdin anda sən.İşi müşküldədi, indi an da, sən,Deyim əhdü-peyman qalıb cahanda.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq