Səxavətdə Hatəm, cəngidə Rüstəm,Ədalətdə Nuşirəvanı deyəllər.Dəryadan bac alan səddi-İsgəndər,Hər hikmətdə Süleymanı deyəllər.

Gecə-gündüz qaldım dadü fəryadda,Ya Ağam, sən məni qoymaynan odda.Səxavətdə, sücaətdə, qeyrətdə,Şiri-Yazdan Mürtəzanı deyəllər.

Mürtəza dəstindən badə yetişər,Onu içən hər murada yetişər.Yoməl-Ərəstidə dada yetişər,Məhəmməd Əl-Mustafanı deyəllər.

Leyli-nahar çağırdığım ərənlər,Əşqin badəsini dolu verənlər.Qohum-qardaş dost müsayib bilənlər,Bir gün Məmmədhüseyn hanı deyəllər.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Mey və meyxana