Tökülür gözlərimin, xəttini görcək, yaşi,Çox təəccübdü bulud səbzədən olmuş naşi.

Yeni ay çəkdimi çərx üzrə fələk nəqqaşi,Ya salıb əks o məhi-çardəsalın qaşi?

Sayeyi-nəxli-qədin sərvə düşəndən, ey gül,Ucalıbdır fələkə fəxr ilə sərvin başi.

Qoydu tənha məni bu badiyeyi-möhnətdə,Yoxdu Məcnunda vəfa, gözləmədi yoldaşi.

Gecə-gündüz ki, özü məsti-riyadır zahid,Badədən bəs nə üçün mən qılır ovbaşi?

Kəbədə olsa da zahid ki, təvaf etməzdi,Səngi-meyxanədən olsaydı əgər bir daşi.

Məqtə — şairin təxəllüsü olan son beyt. Nəçidir şerdə Bixud sənə həmta olsun,Seyyida, püxtə ilən tən gələ bilməz naşi.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Mey və meyxana