Leyla Bədirbəyliyə

İncə qəlbində böyük dünyası var Leylamızın,Bu vətən mülkündə öz mənası var Leylamızın.Yaxşı sənətkar kimi şöhrət gətirmiş sənətə,Səhnətək bir dalğalı dəryası var Leylamızın.Bir baxın diqqətlə siz can verdiyi surətlərə,Səhnədə öz səsi, öz imlası var Leylamızın.Solmayan min bir gözəllikdən yaranmış varlığı,Dan yerindən rəng alan siması var Leylamızın.Səhnənin leylası olmaq istəyənlər az deyil,Məncə təkrarsız, gözəl avazı var Leylamızın.Nəğməsindən bilmişəm eldir, vətəndir sevdiyi,Cümləmin altında öz imzası var Leylamızın.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən