Bir işdi düşdü mənim başıma,Gələk halallaşaq, mən gedər oldum.Gəlib gəlməyib sizi bir də görəm,Gələk halallaşaq, mən gedər oldum.

Ürəyimdə yanar bunca atəşlər,Canımda qəm əlindən yaralar işlər,Gülüb oynadığım yoldaşlar,Gələk halallaşaq, mən gedər oldum.

Gözümdən axıtdım qan ilə yaşlar,Mənlə düz çörək yeyən qardaşlar,Baxın bu fələk bunda etdiyi işlər,Gələk halallaşaq, mən gedər oldum.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri