Cəbhədə
Toxunub dağlara qayıdır yenəSərhəd boyundakı hücum borusu;Soxulmuş gecənin dərinliyinəKomandam altında insan ordusu,Sərhəd boyundakı hücum borusu.Atım köpüklənir, atım buğlanır –Donmuş qırov kimi sinəsində tər.Atımin nalları od tutub yanır;O, bəzən altımda uçunub, titrər,Donmuş qırov kimi sinəsində tər.Topçular alayı gəlir arxadan,Fırlanır, dolaşır təkər səsləri.Bir yeni şey deyil nə ölüm, nə qan...Ordumuz yenə də axır irəli,Fırlanır, dolaşır təkər səsləri.Günəş qırpınanda açıldı hava,Dayandı ordular, durdu üz-üzə -Hər iki cəbhədən başlandı dava,Yayıldı atəşlər o geniş düzə,Dayandı ordular; durdu üz-üzə.Qızışdı, getdikcə qarışdı ara,Gəldi toqquşmamız süngü-süngüyə;Havanın bağrını düz yara-yaraŞaşqalar başını qaldırdı göyə,Gəldi toqquşmamız süngü-süngüyə.Odur bax! Ayrıldı tən yarısındanGövdəsi qarşıma çıxan insanın;Atından yıxıldı, yəhərində qan...Qızardı od kimi içində qanınGövdəsi qarşıma çıxan insanın.Axşamdır, qaralır axşamın yeri,Düşməni salmışıq əldən-ayaqdan;Basılmış ordusu çəkilib geri,Kinli baxışlarla baxır uzaqdan,Düşməni salmışıq əldən ayaqdan.Çoyutma * bir güllə gözlənilmədənYapışır alnıma, yıxılıram mən,Tutub gözlərimi örtür qızıl qan...İnsan ölümünü bildiyi zamanNələr keçirirmiş!.. Kainat qara.Kainat gözümdə çəkilir dara...Dolanır başıma sonsuz yamaclar,Yürüyür üstümə otlar, ağaclar,Canımda bir qara üşütmə vardır,Döyünən köksümün nəfəsi dardır;Bu dar zamanımda hamıdan əvvəlQaldırır başımı mehriban bir əl,Çəkib dizlərinin üstünə alır,Bağlayıb yaramı qeydimə qalırVə deyir: "Özünü toxtaq tut bir az,Düşəndə dar günə insan danlmaz!"Duyub bir insanın dost olduğunu,Güclə tanıyıram səsindən onu.O, cəbhə yoldaşım, öz sevgilimdir,O, mənim agzımda şirin dilimdir.Silir gözlərimin qanını təmiz:"Biryerdə ölsəydik, deyir, ikimiz..."
Kitabxana.az · https://kitabxana.az/works/vurgun-cebhede
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Dünya işində hər nə dutarsan keçər gedər,Hər nik ü bəd içində qılarsan keçər gedər.
ƏslimizƏslimiz olmuş əhli-Hövsandan,Gəmi zəhmətkeşi olubdur atam.
NeylimBahar oldu, qurı çaylar daşalı,Sökuldu könlümün bəndi, neylim.
Qəzəl: Atma zinhar sitəm daşını divanələrəAtma zinhar sitəm daşını divanələrəKi pərilər yığılıbdır bu pərixanələrə