Biz ayrılan zaman demişdin ki, sən: -
Bir də bu yerlərə gələcəkmisən?
O gündən bəriyə keçdi sənələr,
Başından keçəni danışsam əgər,
Qələm dilə gələr, kağız yorular,
Ömrümün qarışıq bir kitabı var...
Aldı qucağma məni şəhərlər
O həsrət qaldığım şehli səhərlər,
O qərib axşamlar, o axar sular,
Ətirli iydələr və akasyalar,
Ruzgara baş əyən o sarı sünbül
Baharın müjdəsi hər çiçək, hər gül,
Gecənin sarvanı o ulduz, o ay,
Anamın örtdüyü sarı kalağay,
Gözümdə qalmışdır ömrüm uzunu,
Bəlkə də şairin taleyidir bu...
Yaxşı yadımdadır, cənuba sarı
Uçub qaqqıldaşan durna qatarı,
Sıxlaşan, daralan qara buludlar,
Ocaqlı, tüstülü, şenlikli yurdlar,
O sulu daxmamız, ağac taxtımız,
O yoxsul ömrümüz, dolu baxtımız,
Babamın divardan asılı sazı,
Anamın "alnına yazılan yazı!".
Bir də görmədiyim o ana yurdu;
Bəlkə də şairin taleyidir bu...
Biz ayrılan zaman demişdin ki, sən:

  • Bir də bu yerlərə gələcəkmisən?
    Bağrımın başında alışıb yanan
    Bu söz xatirimə düşdüyü zaman,
    Səninlə ağlayan, səninlə gülən,
    Səninlə yaşayan, səninlə ölən
    Bir xəyal, bir könül, bir həyat, bir qan
    Canlanır gözümdə... Sənsə bir insan,
    Baxırsan tozlanan o ağ yollara.
    İçində hər qüvvət çəkilir dara...
    Mənsə bu həsrətin bir son övladı...
    Səni də yandırır sonsuzluq adı...
    Sən ey, isinməmiş ana qucağı!
    Şair təbiətli sənət ocağı!
    Gözlərim üstündə sənin yerin var.
    Yolları almasın nə boran, nə qar...
    Budur, bax, ən uzaq bir məsafdən
    Salam göndərirəm hüzuruna mən.
    Salam, təbiətin yaraşığına,
    Salam, gecələrin ay işığına,
    Salam, sevgilimin xoş qılığına,
    Onun dözmədiyim ayrılığına,
    Salam göz yaşımla içdiyim anda,
    O məni sevəcək, məni duyanda!
    Salam, inandığım o əziz günə,
    Eşqin, gözəlliyin böyüklüyünə.
    Salam, hər boyadan, ləkədən uzaq,
    Varlıği, vicdanı günəş kimi ağ
    Sabahkı insanın ilk nəğməsinə...
    Səsini sən də qoş onun səsinə!
    Salam, böyüdüyüm o ana yurda,
    Mən səfər üstündə qonağam burda...
    Süpür qapımızı, sula evmizi,
    İndi birləşdirir ayıran bizi...
    Bu bayram günündə gözlərin aydın!
    İnan ki, dünyada sən olmasaydın
    Nə söz yaranardı, nə də ki, sənət,
    Bu haqqı vermişdir sənə təbiət.
    Odur ki, dünyadan istədiyini al,
    Zəhmətin də halal, südün da halal.
    Səninlə fəxr edir şöhrətm, adım,
    Admı ömründə heç unutmadım...
    Anama sadə bir sözüm var ancaq;
    Bir ağac altında bir parça torpaq
    Ayır ki, yurd salım kölgəsində mən,
    Əyləşim, söz açaq doğan səhərdən...
    Çəkək kölgəliyə yazı masaını,
    Yazıb pozduğumu oxusun hamı;
    Dinləsin səsimi çiçəklər, otlar,
    Dolansın başıma göydə buludlar!
    Bu sadə istəyim dünyaya dəyər.
    Verdiyim vədədən çəkinsəm əgər,
    Göyün ildırımı başımda sönsün,
    Ahım dağlardək! dumana dönsün!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri