Gözəl, səndə nə qaydadı,Gedəni yoldan eylərsən.Salarsan eşqin oduna,Ulusdan, eldən eylərsən.

Mən ha billəm sən əttarsan,Qənd ilə noğul satarsan.Dəryalara tor atarsan,Sonanı göldən eylərsən.

Gözəl, nə bildin halımı,Əyibsən qəddü-dalımı.Mən Qasıma bu zülümü,Kim eylərdi, sən eylərsən.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri