Açdıq əllərimizləgöylərin qapısını,Gecə-gündüz fikrimizYaradana varışdı.Tək Tanrıya ucalıb,haqqa qovuşmaq üçünDilimizdə səslənənduadı, yalvarışdı.

Ürək olduq, ruh olduq,baş olduq, beyin olduq,İldırımdan sürətli,şimşəkdən yeyin olduq.Bir az kövrək, bir az sərt,bir az ərköyün olduq,Dünya ilə könlümüztez-tez küsdü, barışdı.

Tamahdan qorunmağasipərimiz olmadı,Allaha qovuşmağatəpərimiz olmadı.Ömür elə keçdi ki,xəbərimiz olmadı,Başımız zaman-zamanyaşamağa qarışdı.

2010, 20 mart

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · İlahi eşq