Ağlım, məni niyə çəkdin,Çiçəklər bitməyən yerə?Ruhum necə qanadlansın,Bülbüllər ötməyən yerə?

Gül üstündə ölər arım,Donar qəlbim, yağar qarım.Necə getsin ayaqlarım,Ürəyim getməyən yerə?

Yüz də mərd ol, yüz də mətin,Yollar ağır, yollar çətin.Yetir məni xəyanətin,Əlləri yetməyən yerə.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar