Ən gözəl bir nəğməyə dön,Dilimdə əzbərim olsun.Əllərin ağ göyərçinim,Tellərin məxmərim olsun.

Alışıb yanmasın şamım,Gözlərimdə qalsın kamım.Sənsiz mənim bir axşamım,Nə də bir səhərim olsun.

Qoy düşməsin məndən iraq,Gözün atəş, sözün çıraq.Aç sinəmi varaq-varaq,Yazmağa dəftərim olsun.

Bulud altdan gün kimi çıx,Torpaq altdan dən kimi çıx,Qarşıma bir din kimi çıx,Təzə peyğəmbərim olsun.

1997, 31 mart

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri