Qayıtmalıydım
İnsanın acığı, hirsi tutandaÖzgəni tanımaz, özündən çıxar.Tüstü təpəsində dumana dönər,Qəzəb qığılcımı gözündən çıxar.Əl nədən yapışar yadına düşməz,Sıyırar qılıncdan xəncərə kimi.Mərhəmət üzünə çəkər pərdəni,Bağlanar önündə pəncərə kimi.Özümdən çıxanda dünyadan çıxıbUlduza getmişəm, Aya getmişəm.Yerdə qala kimi bir könül yıxıb,Göydə bir nişana, toya getmişəm.Orda ayılmışam yer o yer deyil,Susub həm qəzəbim, həm kinim mənim.Yaylaqdan arana köçən el kimi,Yerinə qayıdıb təmkinim mənim.Heyif, bu yollarda yordum özümü,Ömrümə-günümə, vaxtıma qıydım,Mən niyə bilmədim qayıtmalıydım.
Özümə qayıtdım, dünyaya gəldim,Dağlar səbir qoydu səbrimin üstə.Harda dəfn olardım torpaq olmasa,Orda kim gələrdi qəbrimin üstə.Sən demə, yenidən başlanıb həyat,Könüllər, duyğular barışmalıymış.Sellər, şəlalələr, çaylar, bulaqlarAxıb bir-birinə qarışmalıymış.Gün vurub, əridib quzeydə qarı,Gül-çiçək açılıb yaz olmalıymış.
Dağlar od sinəli aşığa dönüb,Haraylı dərələr saz olmalıymış.Kinə, küdurətə könlünü versən,Bütün həyatını zəhər eyləyər.Yaşamaq həvəsi başqa həvəsdi,Dumanlı gecəni səhər eyləyər.Gətirib qəlbimdə səhər eşqini,Bütün qəzəbləri soyutmalıydım.Yol gəldim özümdən çıxdığım qədər,Qayıtdım, qayıtdım, qayıtmalıydım.
1975, 6 yanvar
Kitabxana.az · https://kitabxana.az/works/zelimxan-yaqub-qayitmaliydim
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Dağıtsam hər tərəf zülfi-səmənsanı, ağan canı,Giriftar eyləıəm sen kimi Zibanı, ağan canı.
Qadasın aldığımSəndən ötrü tərk-i-vətən olmuşam,Ey bimürvət yar, qadasın aldığım,
GörümBülbül kimi bu gülşənə gəlmişəm,Lalə görüm, sünbül gorüm, gül görüm.
DarıxdımSən mənim pöhrəmsən ilk baharımda,Zövqünü yaşatdın arzularımda.