Ömrümdə yaşatdım çox ömürləri,Ömür qohumuyam, gün qohumuyam.Dəndən işıq aldım, sünbüldən maya,Dolu sünbüllərin dən qohumuyam.

Nuru gəz, axtarma dumanı məndə,Gəzmə şər-böhtanı, yamanı məndə.Ulu dədələrin imanı məndə,İman qohumuyam, din qohumuyam.

Allah xoş saatda üzümə baxdı,Düz oğlu düzlərin dayağı Haqdı.Qanı qarışıqlar məndən uzaqdı,Qanı təmizlərin qan qohumuyam.

2005, noyabr

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar