Gözə dayaq, ruha bayraq,Haqqa silahdı şairlər.Qaranlıqdan aydınlığaÇıxan sabahdı şairlər.

Ruhu kövrək, qəlbi zərif,Ariflərdən qat-qat arif.Cahanşah, Xətai, Vaqif,Vəzirdi, şahdı şairlər.

Baxışlara enəndə çən,Dərd olanda dağlara tən,Bir millətin sinəsindənYüksələn ahdı şairlər.

Özü ulu, sözü baha,Ona ölüm yoxdu daha.Ağır gəlməsin Allaha,Yarımallahdı şairlər.

2003, 23 may

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · İlahi eşq