Mənə geniş çöllərin,Çəkili sünbüllərinBərəkəti gərəkdi,Bərəkət səndə varmı?

Mənə zərif güllərin,Al-yaşıl fəsillərinTəravəti gərəkdi,Təravət səndə varmı?

Mənə çətin anların,Ağır imtahanlarınDəyanəti gərəkdi,Dəyanət səndə varmı?

Mənə barlı bağların,Əyilən budaqlarınSəxavəti gərəkdi,Səxavət səndə varmı?

Bu dəyanət, bu sərvət,Bu bərəkət, bu nemətSaf məhəbbət deməkdi,Məhəbbət səndə varmı?

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri