Sevənlər küsəndə öz taleyindən,Çətin ki, meylini o yara bağlar.Yazın oğlan çağı yalqız olanda,Xəzantək görünər a yara, bağlar.

Ayrılıq yandırar o yar bağrını,Közə məskən eylər o yar, bağrını.İntizar insanın oyar bağrını,Günəş üz döndərər, Ay ara bağlar.

Əgər bir gün acı olsa şirinlər,Çaqqal gülər, pələng ağlar, şir inlər.Fərhadına yetişməsə Şirinlər,Həsrət sinələrdə a yara bağlar.

1977, 26 sentyabr

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq