Oxu, bülbülüm, oxu,Canda həvəs yaxşıdı.Nəğmələrə can verən,Qaynar nəfəs yaxşıdı.

Kiminin gözündə çən,Kiminin saçında dən.Lal olub dinməməkdən,Yenə qəfəs yaxşıdı.

Dindiyin dilə qurban,Vurduğun xala qurban,Qalxdığın zilə qurban,Endiyin pəs yaxşıdı.

Torpaq qədim, yer əzəl,Gülər gül, ağlar xəzəl.Məzardan beşik gözəl,Sükutdan səs yaxşıdı!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar