Kimsədə rüxsarına taqəti-nəzzarə yox
What is a ghazal?
Ghazal: a lyric poem of couplets (beyts) on a single rhyme.
Kimsədə rüxsarına taqəti-nəzzarə yox,
Aşiqi öldürdü şövq, bir nəzərə çarə yox.
Bağrı bütünlər mənə tənə edərlər müdam,
Halımı şərh etməyə bir ciyəri parə yox.
Yığdı mənim başıma dəhr qəmin, neyləsin,
Badieyi-eşqdə mən kimi avarə yox.
Dəhrdə həmta sənə var, yeri yox, gər desəm -
Var gözəl çox, vəli, sən kimi xunxarə yox.
Gözdə gəzib cizginir qətreyi-əşkim müdam,
Qətreyi-əşkim kimi çərxdə səyyarə yox.
Çak görüb köksümü qılma ilacım, təbib,
Zaye olur mərhəmin, məndə bitər yarə yox.
Zarlığım eşqdən var, Füzuli, vəli,
Ol məhi-bimehrdən rəhm məni-zarə yox.
Kitabxana.az · https://kitabxana.az/en/works/fuzuli-kimsede-ruxsarina-taqeti-nezzare-yox
Use ← → keys to move, R for a random poem
More by this author
Poems by other poets · Love
Ey ağalar, mən bu dərdə düşməzdimMəni dərdə saldı bu Leyli Leyli
OlarHər yetən gözələ gözəl demərəm,Gözələ özgə bir əlamət olar.
Təcnisi-digərÇıxıb gül fəslində seyrə nigarım,Sənalar eylərəm baharü yayə.
Çığalı müxəmməsƏğyarı gəl ey dost, kənar et səni Tarı,Bir rəsmi-pəsəndidə şiar et səni Tarı,