Milyon könüllərdə bir arzu gülür,Yaşamaq, yaratmaq, artmaq arzusu.Yerləri, göyləri basıb bağrına,Göyləri yerlərə qatmaq arzusu.

Dənizdən-dənizə qol-qanad açmaq,Aya qonaq gedib, günəşə uçmaq,Meşəni oxşayıb, çəməni qucmaq,Ulduzlar elində yatmaq arzusu.

Mənzilə yetəndə tamamlanır iş,Çəkilər o sürət, o güc, o yeriş.Bəlkə də zirvədən daha şirinmiş.Zirvəyə can atıb, çatmaq arzusu.

Use ← → keys to move, R for a random poem

Random poem

More by this author

Poems by other poets · Nature and spring