Bir övlad tüstüsü çıxdı başımdan,Göylər göz yaşını yerə sıx, dedi.Ümidim, istəyim gözümdə qaldı,Könül nəğməsini yarımçıq dedi.

Həyat başdan-başa bir bilməcədir,İşıqlı gündüzüm zülmət gecədir.Soruşan olmadı kefin necədir?Görən köks ötürüb: – Ay yazıq! – dedi.

Hüseyn Arifəm, payım zəhərmiş,Bu səfər nə yaman ağır səfərmiş.Ata balasını necə sevərmiş,Görüş deməyəni ayrılıq dedi.

Use ← → keys to move, R for a random poem

Random poem

More by this author

Poems by other poets