Keçirmə vaxtını, ey dost, mərifət olmayan yerdə,Rəzalət hökmü fərmandır, həqiqət olmayan yerdə.

Dalınca min nəfər gəlsə, özünü arxalı sanma,Dəyanət olmayan yerdə, mətanət olmayan yerdə.

Küləkdən bir əsər yoxsa, keçib getməz duman, çiskin,Ümidlər, arzular puçdur cəsarət olmayan yerdə.

Yalanmış sevdayi-aləm, zəhər daddım gül əllərdən,Şəkər, şərbət də boş şeydir, məhəbbət olmayan yerdə.

Özüm də istəməzdim bil, itirdim əhdə ümidi,Hüseyn, bərkə çox düşdüm sədaqət olmayan yerdə.

Use ← → keys to move, R for a random poem

Random poem

More by this author

Poems by other poets