Şairi
Bahar fəsli addım-addım saxlayar,Göy çəmənlər, yaşıl bağlar şairi.Sellər, sular qulağında çağlayar,Dilləndirər buz bulaqlar şairi.
Qoxlamamış tüstüləri, közləri,Yoxlamamış keçidləri, izləri,Çiçək-çiçək tanıyıram düzləri,Düz soraqlar, çöl soraqlar şairi.
Ceyranayaq köhlənini minəndə,Ağ zirvədən göy meşəyə enəndə,Palıd açar sinəsinin önündə,Çinar öpər, tut qonaqlar şairi,
Bir töhfədir təbiətə gözəllik,Dönüb canlı şeriyyətə gözəllik.Çəkiləndə bir xəlvətə gözəllik,Bulud kimi qəm qucaqlar şairi.
Qapı açıq, süfrə açıq, qəlb açıq.Qapı hörmət, süfrə çörək, qəlb işıq.Ana vətən yaranışdan bir aşıq,Əziz tutar, əziz saxlar şairi.
Ömür də var, ölüm də var binadan,Ya gec, ya tez sönməlidir hər yanan.Soruşsalar Hüseyni bir zamanDağlardadır, deyin, dağlar şairi.
Kitabxana.az · https://kitabxana.az/en/works/huseyn-arif-sairi
Use ← → keys to move, R for a random poem
More by this author
Poems by other poets · Nature and spring
Bu gün bir qönçə ləb yarı sevmişəm,Dəhanında tuti dillərə qurban,
BahariyyəBir belə mövsümdə bahar çağdaHeyf deyil baş qala təpraqda
Nə gözəldir o camalın, a gülüm!Nə gözəldir o camalın, a gülüm!Canıma dərdü məlalın, a gülüm!
Yaşılbaş sonalar göllərə gəlirGöy buludlar arasından süzülüb,Qatar - qatar nizamlanıb düzülüb,