Daş-qaşlda axtarma gözəlliyi sən,Gözəllik çəməndə, çiçəkdə olar.İnsanın ömründə məşələ dönənBir halal zəhmətdə, əməkdə olar.

Gözəllik bir şirin kəlamda, sözdə,Alışan ocaqda, qızaran közdə,Gözəllik qaranquş nəfəsli yazda,Gözəllik ən şirin diləkdə olar.

Gözəllik zirvəsi dumanlı dağda,Sinəsi bəhərli, barlı torpaqda.Gözəllik dənizdə, çayda, bulaqdaNəğmətək səslənən ahəngdə olar.

Gözəllik deyilmi o daş, o kəsək,Gözəllik deyilmi hər boya, hər rəng.Gözəllik məhəbbət, sevgi rəmzitəkGüllərdən hörülmüş çələngdə olar.

Gözəllik sevginin, sevdanın ilki,Hər yaşıl ağacın torpaqda kökü.Gözəllik bu halal süfrəmizdəkiO suda, o duzda, çörəkdə olar.

Gözəllik nəğmədir, dinlə onu bir,Gör nələr söyləyir bizə səma, yer.Sevgi də ürəyin gözəlliyidir,Sevgi sözdə deyil, ürəkdə olar.

Use ← → keys to move, R for a random poem

Random poem

More by this author

Poems by other poets · Love