Bu dünya bir evdi, qapısı iki,Bu qapıdan girən tez ordan keçir.Elə bil körpüdü, ya da pəncərə,Yaranan, göz açan, hər baxan keçir.

Hər ata, hər ana, hər qardaş, bacı,Güclülər gücsüzdən alır xəracı,Şahlar gəlir-gedir, boş qalır tacı,Qalmır vəzir, vəkil, xan-xəban keçir.

Zalım ovçu haqsız qovur maralı,Ananı baladan salır aralı,Biri yasdı gedir, biri yaralı,

Hərə bir yol ilə cümlə can keçir.

Dünya meydanıdı bir böyük bazar,Bir yanda gül, çiçək, bir yanda yanar,Canlı-cinli, insi-cinsi hər nə var,Bir yandan yaranır, bir yandan keçir.

Miskinli Vəlidən olsanız halı,Düşünür qurğunu, cahü-cəlalı,Nadanı tez pozur dünyanın malı,Qanan bu dünyadan mehriban keçir.

Use ← → keys to move, R for a random poem

Random poem

More by this author

Poems by other poets