Qalacaq
Qazan ye malını, sür dövranını,Gedirsən dünyanın varı qalacaq.Gözün gözlədiyi könül muradı,Dilin son kəlməsi yarı qalacaq.
Bilirsənmi bu dünyanın halını,Xarabalıq gördüm çox cəlalını,Dəryalarca yığsan dövlət-malını,Nəfsin çoxdu, arzuları qalacaq.
Çoxlar bu dünyada eyləyir bəsi,Mənəm deyənlərin kəsilir səsi,Bülbülün nəğməsi, durnanın səsi,Şahinlərin can şikarı qalacaq.
Fələk yaman yerdə qəsdimə durdu,Hicran oxlarını sinəmə vurdu,Gözəllər məskəni, igidlər yurdu,Tərlan quşun oylaqları qalacaq.
Miskinli Vəlinin yaman çağıdı,Gözündə oynayan qəm fərağıdı,Şair sözü kainatın bağıdı,Nəsillərdə yadigarı qalacaq.
Kitabxana.az · https://kitabxana.az/en/works/miskin-veli-qalacaq
Use ← → keys to move, R for a random poem
More by this author
Poems by other poets
Bunca kar idi saldın arəyə sağ olmaQoşulub hər dəliyə sən dəxi sərsağ olma
ƏslimizƏslimiz olmuş əhli-Hövsandan,Gəmi zəhmətkeşi olubdur atam.
OlurEşq odına düşdüm, çəkdim cəfalar,Dünyada səfasız nə yaman olur,
BilməyəOl deyil şair ki, şeirin ehtiramın bilməyə,Dəvayi-şeir eyləyə, amma məqamın bilməyə.